Back رولز رويس ترينت Arabic Rolls-Royce Trent Catalan Rolls-Royce Trent Czech Rolls-Royce Trent German Rolls-Royce Trent English Rolls-Royce Trent Spanish رولز-رویس ترنت Persian Rolls-Royce Trent French Rolls-Royce Trent Galician Rolls-Royce Trent Italian
Die Rolls-Royce Trent is 'n familie van drie-spoel, hoë-omleidingturbowaaier vliegtuigenjins wat deur Rolls-Royce plc vervaardig word. Almal is ontwikkel uit die RB211 met stukraggraderings van 240-420 kN (53 000 tot 95 000 lbf). Weergawes van die Trent is in diens op die Airbus A330, A340, A380, Boeing 777 en 787, en 'n variant is ontwikkel vir die komende A350 XWB. Die Trent is ook aangepas vir mariene en industriële toepassings. Sedert sy eerste vlug in Augustus 1990 as die Trent 700-model ondervind die Trent aansienlike wêreldwye kommersiële sukses. Dit is gekies as bekendstellingsenjin vir beide van die Boeing 787 se variante (Trent 1000), die A380 (Trent 900) en die A350 (Trent XWB). Die totale aandeel van die mark waarin hy meeding, is sowat 40%. Die goeie verkope van Trentfamilie-enjins het Rolls-Royce die tweede grootste verskaffer gemaak van groot siviele turbowaaiers na General Electric, en daarmee die mededinger Pratt & Whitney na die derde posisie afgeskuif. Singapore Airlines is tans die grootste operateur van Trent-enjins, met vyf variante in diens of op bestelling.